REPUBLIKA E SHQIPËRISË
AUTORITETI KOMBËTAR I USHQIMIT
NJOFTIM PËR KONSUMATORËT
Tiranë, më 17 shkurt 2022
TËRHEQJE NGA TREGU E PRODUKTEVE TË PASIGURTA
Në vijim të kontrolleve për zbatimin kërkesave ligjore me synim mbrojtjen e shëndetit dhe interesit të konsumatorit, Autoriteti Kombëtar i Ushqimit njofton konsumatorët se produkti “Gjalpë” i operatorit të biznesit ushqimor me inicialin “L” është konstatuar me vlerë mbi normën e lejuar të treguesit E.Coli.
Menjëherë me marrjen e kësaj raportprove nga analizat laboratorike të mostrimeve nga kontrollet zyrtare në bazë të Planit të Kontrolleve Zyrtare me Bazë Risku dhe Marrjes së Mostrave, AKU ka reaguar për ndjekjen e rastit dhe marrjen e masave në përputhje me kërkesat e legjislacionit në fuqi, sipas gjurmueshmërisë së produktit dhe gjetjeve të kontrolleve zyrtare të kryera.
Subjekti është urdhëruar të tërheqë nga tregu produktet e rezultuara pozitive dhe po monitorohet ky proces nga trupat tona inspektuese.
Njësitë e tregtimit kanë afishuar njoftimet për konsumatorin për kthimin e produktit dhe kompensimin e vlerës së produktit.
Sigurojmë konsumatorët se Autoriteti Kombëtar i Ushqimit do të vijojë kontrollet për të siguruar zbatimin e ligjit dhe mbrojtjen e shëndetit të konsumatorëve.
