Deklarata e Vlerave Ushqyese

Çfarë informacioni duhet të shfaqet në deklaratën vlerave ushqyese

Informacioni mbi sa vijon duhet të deklarohet për 100g/ml të produktit: Energjia (kJ/kcal), Yndyra (g), Yndyrna të ngopura, Karbohidrate (g), Sheqerna (g), Proteina (g) dhe Kripë (g) (Shtojca XIII Pjesa B, VKM 434 datë 11.07.2018).

Si duhet të paraqitet informacioni? (Shtojca XIII Pjesa B, VKM 434 datë 11.07.2018)

Të dhënat, përfshihen në të njëjtën fushëpamje. Ato paraqiten së bashku, në format të qartë dhe, sipas rastit, në rendin e prezantimit të parashikuar në shtojcën XV, VKM 434 datë 11.07.2018.

Të dhënat e përmendura paraqiten, nëse ka hapësirë, në një tabelë, me numra të harmonizuar. Kur nuk ka hapësirë të mjaftueshme, deklarata shfaqet në format linear.

Në rastet kur vlera e energjisë ose sasia e vlerave ushqyese në një produkt është e papërfillshme,

Informacioni për këto elemente mund të zëvendësohet me deklaratën: “Përmban sasi të papërfillshme të …” dhe të paraqitet pranë deklaratës së vlerave ushqyese, kur është e pranishme.

Energjia dhe vlerat ushqyese	Sasi referuese
Energji	8 400 kJ/2 000 kcal
Yndyrna totale	70g
Të ngopura	20g
Karbohidrate	260 g
Sheqerna	90g
Proteina	50g
Kripë	6g

A duhet të jepen informacionet ushqyese vetëm për 100g/ml?

Vlera e energjisë dhe sasia e vlerave ushqyese shprehet për 100 g ose për 100 ml, me anë të njësive të matjes, të dhëna në shtojcën XV VKM 434 datë 11.07.2018.

Deklarata për vitaminat dhe mineralet, përveç formës së shprehjes së përmendur në pikën 1 të këtij neni, shprehet si përqindje e sasive referencë të konsumit për 100 g ose për 100 ml.

Kur informacioni paraqitet në përputhje me pikën 3 të këtij neni, shumë pranë tij paraqitet deklarata shtesë: “Sasia referencë e konsumit mesatar për një të rritur (8400 kJ/2000 kcal)”.

A mund të shtohen lëndë ushqyese të tjera në deklaratën e vlerave ushqyese? (Shtojca XIII, Shtojca XV, Deklarata e Vlerave Ushqyese

Përmbajtja e deklaratës së detyrueshme të vlerave ushqyese, e përmendur në pikën 1 të këtij neni, mund të plotësohet me deklarimin e sasive të një ose më shumë treguesve, si më poshtë:

a) Me një lidhje të pangopur;

b) Me shumë lidhje të pangopura;

c) Poliolet

ç) Niseshte;

d) Fibra.

A është informacioni ushqimor i detyrueshëm për të gjitha ushqimet e paketuara?

Informacioni ushqimor në etiketa u bë i detyrueshëm bazuar në Vendimin i Këshillit të Ministrave VKM nr. 434, datë 11.07.2018 “Për Etiketimin e Ushqimit dhe Informimin e Konsumatori” hyri në fuqi nga data 19.07.2020. Ka disa përjashtime nga këto rregulla.

Përjashtimi i përbërësve të produktit ushqimor nga lista e përbërësve

Pa rënë ndesh me nenin 21 të VKM, nuk nevojiten të përfshihen në listën e përbërësve të një produkti ushqimor përbërësit e mëposhtëm:

a) Elementet e një përbërësi që kanë qenë përkohësisht të ndara gjatë procesit të prodhimit dhe më vonë janë përfshirë sërish në ushqim, por duke mos e kaluar sasinë e tyre fillestare;

b) Aditivët ushqimorë dhe enzimat ushqimore:

prania e të cilëve në një produkt të caktuar ushqimor i detyrohet vetëm faktit që aditivët ndodheshin në një ose më shumë përbërës të këtij produkti, në përputhje me parimin e transferimit, të përmendur në shkronjat “a” dhe “b”, të pikës 18, të udhëzimit nr. 18, datë 17.11.2010, i ministrit të Bujqësisë, Ushqimit dhe Mbrojtjes së Konsumatorit, “Për aditivët ushqimorë të përdorur në produktet ushqimore”, me kusht që ato të mos kenë ndonjë funksion teknologjik në produktin përfundimtar;
që janë përdorur si lëndë ndihmëse të përpunimit.

c) Ndihmësit teknologjikë dhe substancat që nuk janë aditivë, por të cilët janë përdorur në të njëjtën mënyrë dhe për të njëjtin qëllim si ndihmësit teknologjikë dhe në sasi të nevojshme;

ç) Substancat që nuk janë aditivë, por që janë përdorur në të njëjtën mënyrë dhe për të njëjtin qëllim si lëndët ndihmëse në përpunim dhe që janë akoma të pranishëm në produktin final edhe nëse paraqiten në formë të ndryshuar;

d) Uji:

kur përdoret gjatë procesit të prodhimit vetëm për rikthimin e një përbërësi të përdorur në formë të përqendruar ose të dehidratuar;
në rastin e një mjedisi të lëngshëm, që nuk konsumohet normalisht.

Shperndaje

Më shumë lajme

Informacion për Publikun

Autoriteti Kombetar i Ushqimit bën me dije qytetarëve që ështëgadishmëri dhe veprim të menjëhershëm, me efektivitet të plotëpër cdo rast të cënimit të Sigurisë Ushqimore me qëllimgarantimin e konsumatorit vendas. Garantimi i sigurisëushqimore është një proces dinamik, për të cilin stukturaqëndrore dhe ato ligj zbatuese përgjigjien rast pas rasti, pavarësisht ngjyrimeve politike dhe daljeve mediatike për tëtërhequr vëmendje. Transparenca e komunikimit të riskut me publikun është gjithashtu një proces thelbësor në informacionin korrekt përkonsumatorin, duke evituar rrezikun e panikut dhe atë tëdisinformimit të qytetarëve. Në kuadër të transparencës institucionale dhe komunikimin me publikun informojmë se referuar informacionit të ardhur ngasistemi RASFF më datë 10.12.2024, me temë: “Arsenikinorganik mbi limitin e lejuar në ushqim për fëmijë”, në të cilinShqipëria është etiketuar për ndjekje, sqarojme se: Në muajt Korrik, Gusht dhe Shtator 2024 janë importuar në total 80 pako, ose 16 kg produkt “Crema di

Deklarata e Vlerave Ushqyese

Shperndaje

Më shumë lajme

Informacion për Publikun

Informacion për Publikun – Ndjekja e njoftimeve RASSF

Informacion për publikun

Njoftim për konsumatorin

Pyetje?

Autoriteti Kombetar i Ushqimit