Gjatë ushtrimit të aktivitetit, AKU ka kryer 111 kontrolle zyrtare dhe monitorime në të gjithë vendin në operatorë të biznesit ushqimor të kategorive: stabiliment prodhim veze, stabiliment prodhim/ambalazhim pije alkolike, thertore, etj.
Drejtoritë Rajonale të AKU- së kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit (info@aku.gov.al / nr. Gjelbër 08007575).
Gjatë kontrolleve zyrtare sot janë dhënë 21 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe është vendosur 1 gjobë për shkelje në një subjekt të prodhimit dhe tregtimit të fidanëve.
Referuar Planit Vjetor të Marrjes së Mostrave me bazë risku janë marrë 3 mostra për analizim. Janë asgjësuar 536kg produkte ushqimore me origjinë shtazore dhe janë kthyer në vendin e origjinës 5330kg nektarina.
Na kontaktoni për çdo problematikë, pasi jemi në shërbimin tuaj dhe në këtë angazhim jemi bashkëpunëtorë!
