Trupat inspektuese të Autoritetit Kombëtar të Ushqimit kanë kryer gjatë ditës së sotme 755 inspektime dhe monitorime në të gjithë vendin edhe si pjesë e Task-Forcës Anti Covid.
Gjatë inspektimeve janë dhënë nëpër biznese ushqimore 15 masa administrative me paralajmërim për sistemim të ambienteve të prodhimit, rinovim të librezave shëndetësore ashtu edhe rinovim të analizave të ujit.
AKU si pjesë e Task-Forcës ka vijuar me monitorimin e bizneseve në të gjithë vendin, niveleve të sistemit arsimor për zbatim të protokolleve të sigurisë anti-covid.
Gjithashtu janë këshilluar edhe qytetarë për mbajtje të detyruar të maskës , si mjet mbrojtës ndaj shpërndarjes së coronavirusit.
AKU vazhdon pandërprerë inspektimet dhe monitorimet në garantim të sigurisë ushqimore dhe mbrojtjes së shëndetit të konsumatorëve.
#BashkëpërSigurinëUshqimore
