Në vijim të ndjekjes së procesit të vlerësimit dhe kategorizimit të produkteve me origjinë shtazore dhe ushqimit për kafshë, Drejtoresha e Përgjithshme e AKU-së, Blerina Gjylameti, së bashku me Ministrin e MBZHR-së, Z. Andis Salla, zhvilluan një vizitë në Durrës, në një stabiliment me aktivitet të grumbullimit dhe paketimit të vezëve.
U ndoq nga afër procesi i punës në këtë stabiliment furnizues i tregut vendas dhe eksportues në rajon e më gjerë, ku u theksua rëndësia e këtij procesi për garantimin e sigurisë ushqimore, si dhe përmbushjen e detyrimeve që rrjedhin nga Kapitulli 12 “Siguria Ushqimore”, në kuadër të përgatitjes së Shqipërisë për anëtarësim në Bashkimin Evropian.
#siguriaushqimoresigurikombëtare
#bashkëpërsigurinëushqimore
