AKU ka zhvilluar një takim pune me subjekte që ushtrojnë aktivitet si thertore në qarqet Tiranë, Durrës dhe Korçë, si dhe inspektorë të DRAKU-ve përkatëse me qëllim forcimin e zbatimit të legjislacionit në fuqi dhe garantimin e sigurisë ushqimore në të gjitha hallkat e zinxhirit ushqimor. Disa çështje kryesore mbi të cilat u diskutua, ishin zbatimi i kërkesave ligjore për kushtet higjieno-sanitare në ambientet e therjes, zbatimi i kërkesave për ruajtjen e mishit pas procesit të therjes, transporti në kushte të përshtatshme, si dhe informimi i vazhdueshëm i subjekteve për detyrimet e tyre ligjore etj.
Gjithashtu u theksua rëndësia e bashkëpunimit ndërmjet autoriteteve me këto OBU me qëllim përmirësimin e praktikave të sigurisë ushqimore , parandalimin e rreziqeve dhe mbrojtjen e shëndetit të konsumatorit.

#bashkëpërsigurinëushqimore