Drejtoria e Përgjithshme e Autoritetit Kombëtar të Ushqimit, Sektori i Monitorimit dhe Hetimit Ushqimor si dhe Sektori i Koordinimit të Kontrollit Zyrtar së bashku me inspektorët e Drejtorisë Rajonale Fier, referuar bashkëpunimit me shoqërinë civile dhe indicieve të ardhura prej tyre, kryen kontrollet zyrtare në 3 subjektet me iniciale “V.D.”, “A.K.” dhe “V.P.” në qytetin e Lushnjës.
Nga kontrolli i kryer, u konstatua se 1 subjekt ushtronte veprimtarinë në kushte të papërshtatshme higjieno-sanitare (prani ndryshku, papastërti dhe lagështirë), nuk implementonte sistemin e vetëkontrollit (HACCP), nuk dispononte sistemin e gjurmueshmërisë si dhe tregtonte produkte me etiketë të panotifikuar.
Ndërsa në kontrollet e kryera në 2 subjekte të tjera u konstatua se nuk implementohej manuali i vetëkontrollit (HACCP), nuk dispononte sistemin e gjurmueshmërisë si dhe tregtonte produkte me etiketë të pa notifikuar.
Ndaj shkeljeve të konstatuara trupa inspektuese e AKU-së vendosi masat administrative përkatëse si dhe u bllokua 1400 kg djathë i bardhë, njomëz dhe djathë kaçkavall, deri në daljen e rezultatit të analizave laboratorike.
