Edhe gjatë ditës së sotme trupat inspektuese të AKU kanë vijuar kontrollet në të gjithë territorin dhe monitorime në kuadër të Task-Forcës kundër përhapjes së COVID-19.
Gjatë inspektimeve është konstatuar se plotësohen kushtet higjieno-sanitare për të ushtruar aktivitetin si dhe disponohet dokumentacioni për sigurinë ushqimore. Ndërkohë vijohet me këshillimet për zbatimin me përpikmëri të protokollove të sigurisë kundër Covid-19.
Janë asgjësuar 11 ton produkte ushqimore më kërkesë të vetë subjektit , si dhe janë marrë 16 mostra për monitorim të qumështit, për ngarkesën mikrobike dhe qelizave somatike.
AKU do të vijojë të jetë e pranishme në të gjithë vendin për të garantuar sigurinë ushqimore dhe shëndetin e konsumatorëve.
