Autoriteti Kombëtar i Ushqimit ka pritur në ambientet e saj gjatë ditës së sotme përfaqësuesit e delegacionit të Parlamentit Evropian.
AKU është mbështetur nga Bashkimi Evropian në mënyrë të pandërprerë me asistencë për zgjerim të kapaciteteve teknike dhe logjistike të saj, për arritjen e përmbushjes së funksioneve dhe detyrave sa më shumë të jetë e mundur.
Në sajë të kësaj ndihmese, ka një rrjet laboratorësh ku kryhet një gamë e gjerë analizash në funksion të sigurisë ushqimore.
Pikërisht sot, në Ditën e Evropës, në AKU kreu vizitë një delegacion i zgjeruar nga Parlamenti Evropian, si Z. Derek Vaughan, Z. Wolf Klinz; përfaqësues nga Gjykata Evropiane për Audit, si dhe shoqëruar nga prezenca e Delegacionit të BE në Shqipëri, Z. Mario Mariani, Këshilltar i Parë dhe Kreu i Bashkëpunimit.
Europarlamentarët u interesuan nga afër për të parë finalizimin dhe efikasitetin e investimeve të taksapaguesve evropiane, si dhe ecurinë e institucionit në funksion të garantimit të sigurisë ushqimore në vend.
Drejtori i Përgjithshëm i AKU-së, Z. Agim Ismaili, ndër të tjera, shprehu falenderime për të gjithë ndihmën dhe mbështetjen e treguar ndaj institucionit, që nga konstituimi i tij dhe angazhimin për të maksimizuar edhe produktet e projektit aktualisht në proces për forcimin e rrjetit laboratorik në Shqipëri.
Gjithashtu, parashtroi se gjetjet dhe mangësitë e evidentuara nga Progres Raporti i BE është efektivisht një plan pune për ne për të zhvilluar institucionin.
10/05/2018
