Tiranë, AKU gjobit dy subjekte për tregtim produkti të paregjistruar dhe pa licencë të PMB-ve
Autoriteti Kombëtar i Ushqimit në vijim të transparencës dhe informimit të publikut, bën me dije se trupat inspektuese të Drejtorisë Rajonale Tiranë kanë ushtruar kontrolle në subjekte që tregtojnë Produkte për Mbrojtjen e Bimëve( PMB )në qarkun e Tiranës.
Gjatë ushtrimit të kontrolleve në 18 subjekte, janë vendosur në 7 subjekte masa administrative me “paralajmërim” dhe në dy subjekte janë vendosur masa administrative me “gjobë”.
Në njërin nga subjektet për tregtim produkti PMB të paregjistruar në RSH, u mor masë edhe në bllokimin e produktit, ndërsa në subjektin tjetër për tregtim të PMB-ve pa licencë. U vendos masë në bllokimin e aktivitetit, deri në pajisjen e tij me licencë.
AKU vazhdon kontrollet në të gjithë vendin dhe siguron konsumatorët dhe biznesin ushqimor që institucioni vijon punën konform legjislacionit në fuqi dhe në garantim të sigurisë të ushqimore.
