Trupat inspektuese të Autoritetit Kombëtar të Ushqimit me fokus të pandërprerë sigurinë ushqimore ka kryer 388 inspektime dhe monitorime në kuadër të Planit Vjetor dhe si pjesë e Taks-Forcës anti-COVID duke këshilluar dhe orientuar për rëndësinë e madhe që ka në këto momente respektimi me përpikmëri i protokolleve të sigurisë kundër përhapjes së COVID-19.
Gjatë inspektimeve janë vendosur 2 masa administrative, për tregtim të mishit pa vulë dhe pa certifikatë veterinare si dhe u bllokua17 kg mish me qëllim asgjesimin. Ndërsa masa tjetër admnistrative është vendosur në një subjekt tregtim mishi, për mungesë të lejes së tregtimit. U bë mbyllja e aktivitetit deri në pajisjen me leje.
AKU është çdo ditë në terren për të mbrojtur shëndetin dhe jetën e konsumatorëve, si dhe të produkteve të shëndetshme në tavolinat e çdo familjeje.
