Autoriteti Kombëtar i Ushqimit me fokusin e pandërprerë në garantimin e sigurisë ushqimore ka kryer gjatë ditës së sotme 247 inspektime dhe monitorime në kuadër të Planit Vjetor dhe si pjesë e Task-Forcës kundër përhapjes së COVID-19.
Referuar konstatimeve gajtë kontrolleve janë vendosur 20 masa administrative “paralajmërim”, Janë asgjesuar 87.5 ton produkte ushqimore me kërkesë të vetë subjektit, duke mbajtur kështu pastër tregun nga produkte të papërshtatshme për konsum.
Siguria dhe cilësia e produkteve sezonale është në vëmendjen e veçantë të AKU-së, ku gjatë ditës së sotme janë marrë 42 mostra për kryerjen e analizave laboratorike.
AKU është çdo ditë në punë, pandalur për të mbrojtur shëndetin dhe jetën e secilit konsumator si dhe produkte të shëndetshme në tavolinat e çdo familjeje.
