AKU, sektori i Monitorimit dhe Mashtrimit Ushqimor në bashkëpunim me institucione të tjera ligjzbatuese si dhe Policinë e Shtetit, bëri të mundur finalizimin e aksionit të kryer mbi informacione të marra për të luftuar informalitetin e operatorëve të biznesit me qëllim garantimin e sigurisë ushqimore.
Konkretisht AKU ka ndërprerë aktivitetin e subjektit i ndodhur në qytetin e Pogradecit në Qarkun e Korçës për shkak të mashtrimit ushqimor nëpërmjet etiketimit të produkteve që përpunonte dhe tregtonte.
Kontrolli zyrtar është në vijim në bashkëpunim me Policinë e Shtetit dhe materialet procedurale i janë përcjellë Prokurorisë së Rrethit Gjyqësor Pogradec për vepra penale: punësim i paligjshëm dhe mashtrim me produktet ushqimore, konkretisht parashikimeve të Nenit 170/a dhe Neni 288/c të Kodit Penal për administratorin e Operatorit të Biznesit Ushqimor.
