Sot AKU ka kryer 164 kontrolle zyrtare dhe monitorime në të gjithë vendin në operatorë të kategorive të ndryshme, si subjekte me aktivitet: tregtim të produkteve për mbrojtjen e bimëve, furrë buke, prodhim/ambalazhim fruta, ambalazhim erëza, anije peshkimi, etj.
Drejtoritë Rajonale të AKU- së kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit (info@aku.gov.al / nr. Gjelbër 08007575).
Gjatë kontrolleve zyrtare në operatorët e biznesit ushqimor janë dhënë 37 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë për ushqim të pasigurtë.
Referuar Planit Vjetor të Marrjes së Mostrave me bazë risku janë marrë 18 mostra në produkte ushqimore të ndryshme per kritere fiziko-kimike dhe mikrobiologjikë. Janë asgjësuar 40kg gjalpë dhe janë bllokuar 150kg ullinj tavoline deri në daljen e rezultateve të analizave.
Na kontaktoni për çdo problematikë, pasi jemi në shërbimin tuaj dhe në këtë angazhim jemi bashkëpunëtorë!
