Nis nga zemra e kryeqytetit, e pozicionuar pranë Pazarit të Ri, fushata ndërgjegjësuese për konsumatorët, e Autoritetit Kombëtar të Ushqimit “Ushqim i sigurt sot, për një të ardhme të shëndetshme”.
Kjo fushatë është e orientuar nëpërmjet komunikimit të drejtpërdrejtë me konsumatorin, për t’i mbështetur ata në zgjedhjet e duhura dhe të sigurta të ushqimit. Nëpërmjet broshurave informuese, u ofrua për qytetarët një informacion praktik dhe i dobishëm, që nga orientimi i blerjeve drejt tregjeve ushqimore që ofrojnë kushte tekniko-teknologjike dhe higjieno-sanitare, në ndihmën për leximin e etiketave ushqimore dhe të kuptuarit e aditivëve, deri tek këshillat për ruajtjen dhe përgatitjen e ushqimit. Do të jemi së bashku me konsumatorin gjatë gjithë sezonit turistik veror dhe më tej në të gjithë vendin.
Siguria e ushqimit është përgjegjësi e përbashkët ndërmjet institucioneve, prodhuesve dhe konsumatorëve. Të gjithë kanë një rol për të luajtur nga ferma e tavolinë, për të siguruar që ushqimi që konsumojnë është i sigurt dhe nuk dëmton shëndetin tonë.
#bashkëpërsigurinëushqimore
