Autoriteti Kombëtar i Ushqimit në bashkëpunim me stafin pedagogjik të Shkollës Hoteleri- Turizëm në Tiranë, kanë zhvilluar një takim në lidhje me tematika të ndryshme që i përkasin zbatimit të kërkesave të sigurisë ushqimore, kryesisht në subjektet me aktivitet, si bar restorant, fast -food, piceri etj. për të ofruar në këtë mënyrë një kulturë bashkëpunimi në përgatitjen e një sezoni turistik veror sa më të suksesshëm.
U trajtuan çështje të legjislacionit në fuqi për ushqimin përgjatë gjithë zinxhirit ushqimor.
Gjithashtu me shumë interes është diskutuar edhe mbi nivelin e përmbajtjes së mbetjeve të pesticideve fruta-perimeve.
