I njohur si kryeqyteti i eksporteve bujqësore, Lushnja mirëpret për të tretin vit radhazi, panairin ndërkombëtar “Ditët e Bujqësisë 2024”, duke bërë bashkë prodhues produktesh bujqësore dhe blegtorale, inputesh e fidanësh që do të ekspozojnë produktet dhe shërbimet e tyre.
Në këtë panair, në stendën e Ministrisë së Bujqësisë dhe Zhvillimit Rural, merr pjesë edhe Autoriteti Kombëtar i Ushqimit , me broshura informuese për operatorët e biznesit ushqimor, që ushtrojnë veprimtari në këto fusha.
Përgjatë tri ditëve 24-26 prill pjesëmarrësit do mund të njihen me teknologji të reja, nga ku synohet nxitja e bashkëpunimeve të reja në bujqësi, nëpërmjet praktikave bujqësore të qëndrueshme përmes konferencave dhe prezantimeve nga ekspertë shqiptarë dhe të huaj.
