Në turin e takimeve të Drejtorit të Përgjithshëm të Autoritetit Kombëtar të Ushqimit, Z.Edmond Rrushi, mbi diskutimet dhe zgjidhjet e problematikave të tregjeve ushqimore, ishte edhe takimi me Kryetarin e Bashkisë së Elbasanit Z.Gledian Llatja.
Gjerësisht u diskutua për përmirësimin e gjendjeve të tregjeve ushqimore në këtë bashki, si në infrastrukturë ashtu edhe në kushte higjieno-sanitare.
Është mirëpritur bashkëpunimi ndërinstitucional, për të ndaluar çdo tregtar ambulant që tregton produkte ushqimore me origjinë shtazore në rrugë dhe trotuare, duke orientuar konsumatorët me ndërgjegjësim të vazhdueshëm drejt njësive tregtuese, të cilat plotësojnë të gjitha kriteret e legjislacionit në fuqi, në garantim të shëndetit të qytetarëve.
