Drejtori i Autoritetit Kombëtar të Ushqimit Z. Edmond Rrushi është pritur në një takim pune për sigurinë ushqimore, nga Kryetarja e Bashkisë së Lushnjës Znj.Eriselda Sefa.
Siguria ushqimore në tregjet e Lushnjës, plotësimi i kushteve higjieno-sanitare, kushteve frigoriferike për tregtimin e produkteve e origjinë shtazore, si dhe angazhimi për përmirësimin e infrastrukturës për krijimin e ambienteve për depozitimin dhe asgjësimin e substancave të rrezikshme, ishin temat kryesore të diskutuara gjatë takimit.
Problematike mbetet situata e shitësve ambulantë në Lushnje, me tregtimin e peshkut në rrugë e trotuare.
Shtimi i masave nga ana e bashkisë për shmangien e tregtimit të produkteve me origjinë shtazore në kushte ambulante dhe forcimi i bashkëpunimit ndërinstitucional, do të orientojë gjithnjë e më shumë konsumatorët drejt tregjeve dhe njësive të tregtimit që garantojnë sigurinë ushqimore.
