Trupat inspektuese të AKU kanë vijuar inspektimin dhe monitorimin si pjesë e Taks-Forcës Anti-Covid.
Në monitorime këmbëngulet në biznese që të zbatohet Protokolli i Sigurisë kundër përhapjes së virusit, në higjienizimin e ambienteve, mbajtjen e detyruar të maskës në ambiente të mbyllura dhe ruajtjen e distancës fizike.
Në inspektime është dhënë një masë administrative për tregtim të produkteve ushqimore jashtë afatit të përdorimit në sasinë e 25 kg, të cilat janë bllokuar me destinacion asgjësimin.
Është asgjësuar një sasi prej 3 ton produktesh ushqimore me kërkesë të vetë subjektit.
Referuar Planit të Marrjes së Mostrave janë marrë 57 mostra kryesisht në monitorim të qumështit dhe në fruta-perime për mbetje pesticidesh.
Autoriteti Kombëtar i Ushqimit vazhdon pandërprerë punën në terren në garantim të sigurisë ushqimore dhe në mbrojtje të shëndetit të konsumatorit.
#BashkëPërSigurinëUshqimore
