Trupat inspektuese të Autoritetit Kombëtar të Ushqimit kanë vijuar edhe gjatë ditës së sotme, inspektimet në garantim të sigurisë ushqimore, si dhe monitorimet në kuadër të Taks-Forcës kundër përhapjes së Covid-19.
Janë kryer 343 kontrolle zyrtare dhe monitorime,
Nga kontrollet e kryera në Durrës është dhënë 1 masë administrative “gjobë” me vlerë 50,000 lekë në një subjekt, pasi u gjendën produkte ushqimore pa kondraetiketën në gjuhën shqipe. Gjithashtu u bë bllokimi i 27.8 produkteve ushqimore deri në momentin e pajisjes së tyre me kondraetiketë në gjuhën shqipe.
Gjatë monitorimeve në Berat dhe Fier, janë bërë këshillime dhe janë lënë detyra ndaj subjekteve që nuk kanë plotësuar protokollet e sigurisë, si mungesën e xhamit mbrojtës, mungesën e sinjalistikës për distancimin fizik, si dhe afishimin e posterave.
Autoriteti Kombëtar i Ushqimit në zbatim edhe të legjislacionit në fuqi , do të vijojë kontrollet në gjithë vendin, në garantim të sigurisë ushqimore dhe shëndetit të konsumatorëve.
