Shqipëria mirëpret për herë të parë përfaqësues të lartë të Autoritetit Evropian të Sigurisë Ushqimore (EFSA) në një aktivitet, mbi kontributin dhe ndihmesën që japin për vendet e paraaderimit IPA për integrimin në sigurinë ushqimore të BE-së .
Në këtë aktivitet marrin pjesë gjithashtu aktorë dhe faktorë gjithëpërfshirës në të gjithë zinxhirin e sigurisë ushqimore si dhe përfaqësues nga Delegacioni Evropian, FAO dhe OBSH në Shqipëri.
Të tilla bashkëpunime frytdhënëse janë shumë të rëndësishme,duke ofruar mbështetje teknike për të plotësuar kërkesat në fushën e sigurisë ushqimore, veterinarisë dhe asaj fitosanitare, në përparimet e nevojshme për kapitullin e 12-të në procesin e anëtarësimit në BE.
