Është zhvilluar në Drejtorinë Rajonale të AKU Korçë, një trajnim me studentë të ciklit master profesional për cilësi dhe siguri ushqimore, të Fakultetit të Bujqësisë pranë Universitetit Fan.Noli në Korçë.
Trajnimi u krye në rrafshin teoriko-praktik në katër departamentet e laboratorit, atë fiziko-kimik, mikrobiologjik, të shëndetit të kafshëve dhe fitosanitar, ku studentët u njohën si me legjislacionin, rolin dhe funksionin e laboratorëve, por edhe iu dha mundësia të shohin proceset në analizat kryesore që kryhen në çdo departament të laboratorit.
Këto janë hapa të një bashkëpunimi afatgjatë ndërinstitucional në përgatitjen dhe formimin e specialistëve të ardhshëm të sigurisë ushqimore.
