Projekti për Siguri Ushqimore ka vijuar trajnimet, në mbështetje të inspektorëve të Autoritetit Kombëtar të Ushqimit, duke u fokusuar këtë herë tek infrastruktura që nevojitet në përgatitjen, përpunimin dhe ambalazhimin në një mjedis të përshtatshëm.
Gjatë trajnimit u diskutua rëndësia e zgjedhjes nga biznesi ushqimor, të vendndodhjes, godinës me planimetri të përshtatshme, me një strukturë të brendshme, duke lejuar të gjitha proceset e prodhimit duke shmangur rreziqet e sigurisë ushqimore nga burimet e mundshme të kontaminimit të produkteve ushqimore.
Gjithashtu një rëndësi e veçantë iu kushtua edhe mirëmbajtjes së vazhduar të infrastrukturës me kontrolle të rregullta pamore, për të siguruar çdo punë korrigjuese në kohën e duhur.
