Projekti për sigurinë ushqimore, ka vijuar mbështetjen, me trajnime mbi procedurat dhe praktikat që ndiqen në thertore, stabilimente përpunimi mishi dhe qumështi.
Kjo ishte edhe arsyeja e vizitave tre ditore të ekspertëve evropianë për sigurinë ushqimore me inspektorë të Autoritetit Kombëtar të Ushqimit, në thertore, stabilimente përpunimi të mishit dhe qumështit në qarkun e Elbasanit.
Ekspertët evropianë u ndalën në detaje mbi teknikën higjienike të therjes, udhëzimet mbi ruajtjen e temperaturave të duhura dhe protokollet e sigurisë në thertore, metodat dhe praktikat për kontrollin e sigurisë dhe cilësisë së produkteve të mishit.
Gjatë ndalesës në një stabiliment të përpunimit të qumështit, u trajtuan rregulloret dhe praktikat për kontrollin e higjienës, sterilizimin e pajisjeve në mbajtjen e cilësisë së qumështit të prodhuar.
