Është zhvilluar gjatë ditës së sotme një tryezë diskutimi, organizuar nga Ministria e Bujqësisë dhe Zhvillimit Rural dhe FAO (Organizata e Kombeve të Bashkuara për Ushqimin dhe Bujqësinë) mbi realizimin e një sistemi ushqimor të sigurt, të qëndrueshëm dhe të shëndetshëm për njerëzit. Me pjesëmarrje të përfaqëuesve të institucioneve në nivel kombëtar dhe vendor, përfaqësues të FAO-s, ekspertë të fushës, si dhe nga shoqëria civile.
Nën logon “Dialog Kombëtar për zhvillimin e qëndrueshëm të sistemeve ushqimore në Shqipëri”, gjatë takimit u theksua mundësia për krijimin e një platforme për politikëbërësit kryesorë, biznesin dhe faktorë të shoqërisë civile për të kontribuar në transformimin e qëndrueshëm dhe të shëndeshëm të sistemeve globale të ushqimit. Siguria e ushqimit, ushqimt të kafshëve, shëndeti i bimëve dhe kafshëve është thelbësore për shëndetin e konsumatorëve, por në të njëjtën kohë rrit edhe konkurrencën e produkteve agro-ushqimore shqiptare,si në tregun e brendshëm dhe të jashtëm.
Ky takim vjen në vijim të rrugëtimit të dalë nga dialogët kombëtarë, për sistemet e qëndrueshme ushqimore në Shqipëri të Samitit të OKB( Organizatës së Kombeve të Bashkuara) për sistemet ushqimore në vitin 2021 drejtuar nga MBZHR dhe mbështetur nga OKB.
