Që nga viti 2001, njëzet e dy vjet më parë, 1 Qershori është zgjedhur në mënyrë konvencionale si dita për të “festuar” qumështin, ushqim-pijen që përbën bazën e të ushqyerit të përditshëm në botë që në fëmijërinë e hershme.
Organizata Botërore e Ushqimit dhe Bujqësisë (FAO) dhe Kombet e Bashkuara vendosën se, ekzistonte nevoja për një Ditë Botërore të Qumështit, me qëllim të dyfishtë, për të promovuar produktin qumësht dhe nënproduktet e tij për vlerat e vërteta ushqyese në nivel global.
Kjo ditë përkon dhe me festën ndërkombëtare të fëmijëve, për t’i kushtuar sa më shumë rëndësi qumështit, që është produkti bazë, në rritjen dhe zhvillimin normal të fëmijëve.
