I njohur si kryeqyteti i eksporteve bujqësore, Lushnja mirëpret për të dytin vit radhazi, panairin ndërkombëtar “Ditët e Bujqësisë 2023”, me fokus bujqësinë, blegtorinë, peshkimin dhe inovacionin në rajon dhe më gjerë.
Ditët e Bujqësisë është një platformë që synon të lidhë agrobizneset dhe sipërmarrjet me ekspertë të industrisë, fermerë dhe investitorë nga vendi dhe rajoni.
Në panair ishin pjesëmarrës edhe Autoriteti Kombëtar i Ushqimit në stendë sëbashku me Autoritetin Kombëtar të Veterinarisë dhe Mbrojtjes së Bimëve dhe Projektin për Siguri Ushqimore, me broshura informuese për operatorët e biznesit ushqimor, që ushtrojnë veprimtari në këto fusha.
