Trupat inspektuese të Autoritetit Kombëtar të Ushqimit në vijim të monitorimeve dhe inspektimeve në qarkun e Korçës, kanë ushtruar kontrolle në subjekte me aktivitet tregtim dhe shpërndarje me shumicë të produkteve ushqimore.
Gjatë kontrolleve të ushtruara trupat inspektuese kanë konstatuar në subjektin me iniciale “D.C” me aktivitet tregtim të produkteve të ndryshme ushqimore, mungesë të sistemit të gjurmueshmërisë dhe mangësi në etiketimin e produktit.
Për shkeljet e konstatuara trupa inspektuese e AKU-së, vendosi masat administrative me gjobë në vlerën e 150’000 lekëve, si dhe është vendosur masa e bllokimit në sasinë e 531 kg produkte të ndryshme ushqimore.
Autoriteti Kombëtar i Ushqimit vazhdon rigorozisht kontrollet në të gjithë vendin në garantim të sigurisë ushqimore për konsumatorët.
