AKU ka kryer 205 kontrolle zyrtare dhe monitorime në të gjithë vendin ditën e sotme në: magazina ushqimore, kategori e veçantë, përpunim qumështi, pastiçeri, baxho, përpunim peshku, përpunim kafe, furrë buke, stabiliment përpunim zorrësh, etj.
Drejtoritë Rajonale të AKU e ushtrojnë veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit (info@aku.gov.al / nr. Gjelbër 08007575), kërkesave për licencim, urdhra dhe plane monitorimi dhe verifikim kushtesh për investime IPARD.
Gjatë kontrolleve zyrtare sot janë dhënë 24 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë për mungesë të planit HACCP. Gjithashtu janë bllokuar për asgjësim 5730 kg produkte fruta perime për mungesë të gjurmueshmërisë së produktit.
Referuar Planit Vjetor të Marrjes së Mostrave me bazë risku janë marrë 42 mostra produktesh për analizim të treguesve fiziko-kimikë, mikrobiologjikë, kryesisht në produkte me origjinë shtazore dhe për mbetje pesticidesh dhe qumësht lëndë e parë.
AKU është në shërbim të garantimit të sigurisë ushqimore!
