Trupat inspektuese të Autoritetit Kombëtar të Ushqimit kanë kryer 348 inspektime dhe monitorime në të gjithë vendin edhe si pjesë e Task-Forcës Anti-Covid.
Task-Forca Anti-Covid këmbëngul në zbatimin e protokollove të sigurisë në të gjitha bizneset por edhe në të gjitha nivelet e sistemit arsimor, si mënyra e vetme për shmangien e përhapjes së virusit.
Gjatë inspektimeve është dhënë ndaj një biznesi një masë administrative për mos etiketim të produkteve ushqimore në gjuhën shqipe.
Me kërkesë të vetë një subjekti ushqimor është bërë asgjësimi i një sasie prej 33 ton produktesh ushqimore.
Referuar Planit të Marrjes së Mostrave janë marrë 43 mostra në monitorim të qumështit, por edhe në analizim të fruta-perimeve për mbetje specifike.
Autoriteti Kombëtar i Ushqimit vijon punën në terren në garantim të sigurisë ushqimore dhe mbrojtjes së shëndetit të konsumatorit.
#BashkëpërSigurinëUshqimore
