EFSA ka vlerësuar sigurinë e cajit jeshil dhe katekinave të tij. Katekinat janë një lloj fenoli natyror dhe antioksidant, si dhe një metabolit bimor. Qëllimi i vlerësimit ishte për të ndjekur shqetësimet e efekteve të mundshme të dëmshme në mëlci.
EFSA nxorri konkluzionin se katekinat nga caji jeshil dhe pije te ngjashme jane përgjithësisht të sigurtë. Kur merret si suplement ushqimor, dozat e katekinave në ose mbi 800 mg/ditë mund të paraqesin probleme shëndetësore.
Caji jeshil konsumohet gjerësisht për përfitimet e shëndetit, por ka pasur edhe raporte në BE dhe më tej mbi efektet e munshme të dëmshme.
Vlerësimi i EFSA për katekinat e cajit jeshil u nxit nga vendet nordike në vijim të disa rasteve të raportuara për dëmtime në melci, mundësisht e shoqëruar me përdorimin e produkteve me caj jeshil.
Katekinat janë substanca natyrore në cajin jeshil, nga të cilat më me shumicë është epigallocatechin gallate (EGCG). Në vlerësimin e tij të sigurisë të EFSA, u pa për lidhje të mundshme ndërmjet konsumit të EGCG në cajin jeshil dhe suplementet ushqimore si dhe dëmtimit të mëlcisë.
Nuk ka shqetësime për çajrat
Për çajin jeshil, ekspertët e EFSA arritën në përfundimin se përgjithësisht nuk ka asnjë indikacion për dëmtimin e mëlçisë edhe pas konsumimit të lartë dhe se rastet e pakta të dëmtimit të mëlçisë të raportuara tek njerëzit ka të ngjarë të vijnë nga reaksione të rralla dhe të paparashikueshme. Prandaj, ekspertët konsideruan katekinat nga infuzionet e çajit jeshil të krijuara me ujë të nxehtë dhe çaj jeshil të castit dhe të gatshëm për pije me përmbajtje të ngjashme katekine, si përgjithësisht të sigurta.
Për shtesat ushqimore, ekspertët e EFSA konkluduan – në bazë të studimeve njerëzore të bëra me vullnetarë nën mbikëqyrjen mjekësore – që doza e EGCG me 800 mg në ditë mund të shoqërohet me shenja fillestare të dëmtimit të mëlçisë. Ndërsa nuk kishte asnjë indikacion të dëmtimit të mëlçisë për doza nën 800 mg / ditë nga shtojcat e çajit jeshil, ekspertët nuk ishin në gjendje të identifikonin një dozë të sigurt bazuar në të dhënat në dispozicion.
Përmbajtja e katekinës ndryshon
Shtojcat ushqimore që përmbajnë katekina të çajit jeshil sigurojnë një konsum ditor të EGCG që varion nga 5-1000 mg. Këto shtesa ushqimore janë përgjithësisht të destinuara për të rriturit. Doza mesatare ditore e EGCG që vjen nga konsumi i cajrave tradicionale të çajit jeshil varion midis 90 dhe 300 mg, por mund të arrijë deri në 866 mg tek të rriturit që konsumojnë sasi të mëdha të këtyre pijeve.
Katekinat në ekstraktet e cajit jeshil që përdoren në shtojcat ushqimore mund të jenë me të përqendruara ose të kenë një përbërje të ndryshme dhe modele të konsumit krahasuar me katekinat nga caji jeshil. Për shembull, cajrat synohen të konsumohen bashkë me ushqime dhe gjatë ditës, ndërkohë shtojcat, vecanërisht për dobësim, kanë më gjasa që të merren shpejt dhe si një doze të vetme ditore.
Rekomandimet dhe hapat e ardhshme
Për të përmirësuar mbrojtjen e konsumatorit, EFSA ka rekomanduar të vijohet me studime të tjera mbi efektet e katekinave të cajit jeshil. Ekspertët propozuan etiketim të qartë të produkteve të cajit jeshil, në lidhje me përmbajtjen e katekinave dhe risqet e mundshme të shëndetit.
