Në Riga të Letonisë u zhvillua nga BTSF ( Better Training For Safer Food) trajnimi mbi “Vlerësimin e Riskut për mikroorganizmat që përdoren si PMB dhe biocide” për shtetet anëtare të BE, në të cilin mori pjesë edhe Shqipëria me përfaqësues nga MBZHR dhe AKU.
Qëllimi i këtij trajnimi ishte të mbështesë zhvillimin e ekspertizës në lidhje me metodologjinë e vlerësimit të riskut për mikroorganizmat, që do të përdoren si produkte te mbrojtjes së bimëve dhe biocidet, duke rritur kompetencat në pranueshmërinë dhe vlerësimin e riskut. Gjithashtu synohet që të nxitet sa më shumë të jetë e mundur harmonizimi i procedurave të vlerësimit dhe autorizimit të mikroorganizmave të tillë brenda BE-së.
