Dita Botërore e Ushqimit është një ditë ndërkombëtare që festohet çdo vit në mbarë botën më 16 tetor në nder të datës së themelimit të Organizatës së Ushqimit dhe Bujqësisë të Kombeve të Bashkuara në vitin 1945.
Që në 1981, Dita Botërore e Ushqimit ka adoptuar një temë të veçantë për çdo vit për të theksuar fushat, ku është e nevojshme të ndërhyhet dhe t’i jepet një fokus i përbashkët.
Tema për vitin 2024 është: “E drejta për ushqim, për një jetë dhe një të ardhme të sigurt”.
Kjo ditë na fton të reflektojmë mbi rëndësinë e transformimit të sistemeve globale të ushqimit për t’i bërë ato më gjithëpërfshirëse dhe të qëndrueshme.
Është një mundësi për të rritur ndërgjegjësimin e të rinjve për një përdorim më të përgjegjshëm të ushqimit, për të adoptuar një dietë të shëndetshme që nga fëmijëria, që ndihmon në kultivimin e mirëqenies personale duke parandaluar shumë patologji metabolike dhe kardiovaskolare.
