Autoriteti Kombëtar i Ushqimit me nisjen e këtij vitit shkollor, ka zhvilluar një orë ndërgjegjësuese për sigurinë ushqimore, me nxënësit e shkollës 9 vjeçare “’Konferenca e Pezës” në kryeqytet.
Qëllimi kryesor i këtyre orëve ndërgjegjësuese për sigurinë ushqimore, janë hapat e rëndësishme në kultivimin e qytetarëve të informuar, por edhe aktivë për ta promovuar sigurinë ushqimore në familjet e tyre e kudo.
Interesi i nxënësve ishte i lartë me pyetjet e shumta rreth kësaj tematike, kryesisht rreth tregtimit ambulant pranë shkollave dhe cilat ushqime janë të shëndetshme për to.
AKU gjatë kësaj periudhe ka intensifikuar kontrollet në subjekte që ofrojnë ushqim afër shkollave, sidomos të shitësve ambulantë.
#bashkëpërsigurinëushqimore
