Fushata për ndërgjegjësimin e konsumatorëve, ka vijuar në verilindje të vendit në Dibër.
Në këtë sezon veror, që po shoqërohet edhe me shtimin e lartë të fluksit të turistëve, AKU është kudo pranë konsumatorëve duke synuar dhe nxitur bashkëpunimin për forcimin e sigurisë ushqimore.
U shpërndanë broshura ndërgjegjësuese duke i ardhur në ndihmë konsumatorëve, në orientimin e tyre në blerje të sigurta dhe të shëndetshme, drejt tregjeve dhe subjekteve ushqimore që plotësojnë kushtet higjieno-sanitare dhe tekniko-teknologjike.
