Menaxhimi i krizave ushqimore ishte në fokus workshop-it organizuar nga EFSA (Autoriteti Evropian i Sigurisë Ushqimore), në Sarajevë të Bosnje Hercegovinës për vendet përfituese të Fondeve IPA, mekanizma mbështetës të BE-së, për vendet para aderuese në familjen evropiane, ku bën pjesë edhe Shqipëria.
Nga Shqipëria në këtë workshop morën pjesë specialistë nga Autoriteti Kombëtar i Ushqimit dhe Instituti i Sigurisë Ushqimore dhe Veterinare.
Mënyrat e trajtimit të krizave ushqimore ndërmjet EFSA dhe vendeve anëtare të BE-së ishin modelet e trajtuara gjatë takimit, ndërsa vend të rëndësishëm zuri edhe bashkëpunimi ndërmjet këtyre institucioneve lider evropiane, gjatë një incidenti të sigurisë ushqimore.
Gjithashtu u vlerësua rëndësia që ka sistemi RASFF dhe INFOSAN në shkëmbimin e shpejtë të informacionit, bashkëpunimin ndërmjet vendeve për mospërhapjen e mëtejshme të krizave ushqimore.
