Moti me kushte atmosferike të vështira, dëbora dhe i ftohti ka përfshirë Shqipërinë dhe veçanërisht skajet e saj ditët e fundit.
Punohet me eficencë të plotë në të gjitha Pikat e Inspektimit Kufitar në vend, por edhe atje ku, vështirësitë atmosferike janë më të mëdha veçanërisht në veri, verilindje të vendit në Han të Hotit, Morinë dhe Bllatë dhe jug e juglindje, në Kapshticë dhe Qafë Thanë dhe Kakavijë.
Gjatë këtyre ditëve, nga të gjitha Pikat e Inspektimit Kufitar në vend, janë kryer 501 importe.
Autoriteti Kombëtar i Ushqimit ka marrë të gjitha masat e duhura që puna të vijojë normalisht, me gjithë problematikën që paraqet tabloja e kushteve atmosferike në vend.
