“Inovacioni në ushqime dhe ushqimet e reja” ishte tema e diskutuar në trajnimin, bazuar nismës së Autoritetit Kombëtar të Ushqimit, “Të trajnuarit, trajnojnë” kësaj here referuar programit “Parma School 2023”.
Gjatë trajnimit u diskutuan aspekte të ndryshme të inovacionit ushqimor dhe ushqimeve të reja, duke u nisur nga baza ligjore evropiane.
Një vëmendje e veçantë iu kushtua edhe metodikave të përftimit të ushqimeve të reja dhe proceset e autorizimit të tyre për konsum njerëzor. U trajtuan dhe modelet e vlerësimit të riskut dhe përfitimeve nga ushqimet e reja, si dhe mënyrat e komunikimit të riskut të tyre.
