Autoriteti Kombëtar i Ushqimit ka vijuar me fushatën kombëtare përmbi elementë kryesorë të sigurisë ushqimore, për këtë vit shkollor, duke u ndalur në veri të vendit me të rinjtë shkodranë, të shkollës së Mesme të Përgjithshme “Oso Kuka”.
Përgjegjshmëria qytetare dhe ndërgjegjësimi për sigurinë ushqimore, krijoi bashkëbisedime shumë interesante, mbi rolin dhe misionin e AKU-së, përgjegjësitë e operatorëve të biznesit ushqimor në lidhje me sigurinë e produkteve ushqimore, si dhe bashkëpunimin e frytshëm ndërmjet institucionit dhe OBU-ve në garantim të shëndetit të konsumatorëve.
AKU në përfundim të këtij procesi, pati kënaqësinë që të rinjtë shkodranë, si konsumatorë të përgjegjshëm, i bashkohen të rinjve në të gjithë vendin si “Ambasadorë të sigurisë ushqimore”.
#bashkëpërsigurinëushqimore
