Nisma e Autoritetit Kombëtar të Ushqimit “Të trajnuarit, trajnojnë”, ka vijuar këtë herë me trajnimin e inspektorëve veterinerë të AKU-së nga qarqe të ndryshme, mbi workshopin “Sub Regional One Health”, të zhvilluar në Universitetin e Prizrenit, në Kosovë.
Gjatë trajnimit, u diskutua koncepti “Një Shëndet”, i cili synon në ndërgjegjësimin e institucioneve, për t’u fokusuar në të ardhmen për të forcuar bashkëpunimin në zgjidhjen e problemeve të përbashkëta, duke ruajtur mjedisin, shëndetin e kafshëve dhe njerëzve.
U trajtuan gjithashtu problemet e sigurisë ushqimore përgjatë zinxhirit të prodhimit, duke përfshirë sigurinë toksikologjike të ushqimeve, alternativat e zëvendësuesve të lëndëve të para, problemet me eliminimin e patogjenit në prodhimin primar, mbrojtja e ujit, tokës dhe ajrit, duke u rrezikuar nga shkaqe të papërshtatshme, menaxhimi i plehrave, emetimet nga industria etj.
