Platforma e Bashkërendimit për Sigurinë Ushqimore, ka zbritur në Elbasan, duke bërë bashkë, drejtues të nivelit qendror për sigurinë ushqimore në bashkëpunim me drejtues të Qarkut dhe të Bashkisë Elbasan, Tatimeve, Policisë së Qarkut, aktorë dhe faktorë të rëndësishëm në zinxhirin për mbrojtjen e shëndetit të konsumatorëve.
Në këtë takim, i cili u zhvillua me pjesëmarrjen e Zv.Ministrit të MBZHR-së Z.Arjan Jaupllari, Prefektes së Qarkut Elbasan Znj. Majlinda Perriu, Drejtoreshës së Përgjithshme të AKU-së Znj. Jeta Deda, u diskutua për bashkëpunimin e strukturave për garantimin e sigurisë ushqimore dhe ndërtimin e programeve të përbashkëta të ndërgjegjësimit për fermerët dhe operatorët e biznesit ushqimor.
Gjithashtu u shtruan çështje të rëndësishme për fuqizimin e sektorit të bujqësisë, si formalizimi, projektet e ujitje-kullimit, menaxhimin i tokës, aksesi në tregjet bujqësore, markatat e peshkut, shëndeti i bimëve dhe i kafshëve, etj.
