Projekti për Sigurinë Ushqimore, ka zhvilluar një trajnim me përfaqësues të stafeve teknike të stabilimenteve të përpunimit të peshkut, të cilët janë edhe përgjegjëse të sigurisë ushqimore në stabilimente.
Trajnimi u zhvillua në lidhje me programet paraprake të aderimit në BE (Pre-requisite Programmes) në stabilimentet e përpunimit të peshkut.
Programet e paraaderimit (PRP) konsistojnë në bazat ose kërkesat minimale që një operator i biznesit ushqimor duhet të plotësojë, me rol shumë të rëndësishëm në sistemin e menaxhimit të sigurisë ushqimore.
Gjatë trajnimit janë diskutuar elementet kyç të PRP, siç janë kushtet higjieno-sanitare për stabilimentet e prodhimit, përpunimit, paketimit dhe ambalazhimit të peshkut, që nga momenti i pranimit të lëndës së parë, magazinimit, frigoriferët, tavolinat e përpunimit, higjiena e punonjësve, dezinfektimi dhe infrastruktura.
Përvoja evropiane në fushën e sigurisë ushqimore vijon të ofrohet nga ekspertët e Projektit për Sigurinë Ushqimore, në mbështetje të bizneseve për forcimin e kapaciteteve në ndihmë të përshpejtimit të procesit të integrimit.
