Menaxhimi i sistemit të sigurisë ushqimore dhe praktikat e higjienës së punonjësve që merren me ushqimin në ambientet e biznesit ushqimor, ishin temë kryesore në trajnimin e kryer nga Projekti për Sigurinë Ushqimore me inspektorë të Autoritetit Kombëtar të Ushqimit.
Për praktika të mira të higjienës nevojitet cilësia e ambientit të punës, përdorimi i veshjeve mbrojtëse në rastet kur nevojiten, prezantimi i punonjësve që merren me ushqimin me anën shëndetësore, higjiena personale, zakonet, qëndrimi ose niveli i njohurive mbi higjienën.
Po aq të rëndësishme janë edhe proceset, si larja e duarve para dhe gjatë trajtimit të ushqimit, dezinfektimi i të gjitha pajisjeve që përdoren për përgatitjen e ushqimit, mbrojta e zonës së gatimit nga insektet dhe dëmtuesit. Praktikat e mira të higjienës nuk janë vetëm kërkesë ligjore, por janë edhe një mjet i dobishëm që një subjekt ushqimor të ofrojë për konsumatorët një ushqim të sigurt për t’u konsumuar.
