Kanë përfunduar vizitat studimore të përfaqësuesve të Autoritetit Kombëtar të Ushqimit në Qendrën Ndërkombëtare të Studimeve të Avancuara Agronomike Mesdhetare (CIHEAM) Bari, mbi sistemet dhe standardet laboratorike, nivelet e cilësisë dhe sigurisë ushqimore, ashtu edhe mbi çështje të forcimit të Pikave të Inspektimit Kufitar dhe problematika që hasen me importet dhe eksportet e produkteve ushqimore.
CIHEAM Bari është themeluar në vitin 1962, duke luajtur një rol kyç në bashkëpunimin shumëpalësh ndërmjet 13 vendeve mesdhetare, në fushat e bujqësisë, sigurisë ushqimore dhe zhvillimit rural, nga ku prej vitesh aderon edhe Shqipëria.
