Sektori i Monitorimit dhe Hetimit Ushqimor pranë Autoritetit Kombëtar të Ushqimit në bashkëpunim me trupat inspektuese të Drejtorisë Rajonale Tiranë, referuar indicieve të ardhura nga mediat apo konsumatorët, kryen kontrollet zyrtare në 5 subjekte me aktivitet “Supermarket”, me iniciale “B.A”, “B.F” “B.H” “B.B” dhe “B.A.D”, Tiranë.
Nga kontrolli i kryer, u konstatua se këto subjekte nuk dispononin sistemin e gjurmueshmërisë, tregtonin produkte pa etiketë si dhe në disa raste etiketa ishte e ndryshuar duke keqinformuar konsumatorin mbi produktet ushqimore.
Ndaj shkeljeve të konstatuara trupa inspektuese vendosi masat administrative përkatëse “Gjobë” ndaj subjekteve në vlerën totale e 650’000 lekë për mungesë të gjurmueshmërisë dhe etiketim në kundërshtim me kërkesat ligjore si dhe u bllokua sasia prej 129 kg produkte ushqimore të pasigurta për konsum.
Gjithashtu u morën 5 mostra për kryerjen e analizave laboratorike për produktin “Gjizë” për dyshime të prezencës së Salmonella Spp në Laboratorin e ISUV, sasi e cila do të qendrojë e bllokuar deri në daljen e rezultateve të analizave.
