Gjatë ditës së sotme u zhvillua takimi i Drejtorit të Përgjithshëm të AKU-së, Z. Bledar Skënderi dhe Drejtori i Përgjithshëm i Doganave, Z. Genti Gazheli, në funksion te forcimit të bashkëpunimit mes dy institucioneve.
Gjatë këtij takimi u diskutua mbi rëndësinë e shkëmbimit të informacionit në kohë reale të ngarkesave që mbërrijnë në vendin tonë, të cilat janë lajmëruar nga vendet anëtare të BE-së që mund të jenë me rrezik për shëndetin e qytetarëve apo që nuk duhet të hyjnë brenda territorit shqiptar.
Ndër të tjera, nga të dy palët u shpreh dakortësia për një angazhim të shtuar mbi bashkëpunimin mes këtyre dy institucioneve në kuadër të punës së përbashkët që bëhet në Degët Doganore, sidomos ato kufitare.
