Trupat inspektuese të AKU-së kanë vijuar dhe gjatë ditës së sotme inspektimin dhe monitorimin, si pjesë e Taks-Forcës Anti-Covid.
Në çdo monitorim kërkohet vëmendje maksimale e subjekteve për të respektuar përpikmërisht protokollin e sigurisë anti-covid.
Gjatë inspektimeve janë dhënë 29 masa administrative me paralajmërim ndaj bizneseve ushqimore, përgjithësisht për rinovim të librezave shëndetësore, analizës së ujit dhe mungesë të Planit 3D.
Referuar Planit të marrjes së Mostrave, janë marrë 61 mostra në monitorim të qumështit dhe nënprodukteve të tij, si dhe në perime për mbetje të pesticideve.
AKU do të jetë pandërprerë në terren në garantim të sigurisë ushqimore dhe mbrojtjes së shëndetit të konsumatorit.
