Trupat inspektuese të AKU-së gjatë ditës së sotme kanë kryer 619 inspektime në garantim të sigurisë ushqimore dhe monitorime në kuadër të Task-Forcës Anti-Covid.
Gjatë monitorimeve janë vendosur 6 masa administrative, përkatësisht: një masë administrative për moszbatim të protokollit të sigurisë anti-covid, 4 masa për tregtim mishi pa vulë dhe pa certifikatë veterinare si dhe një masë për tregtim produktesh me afat të kaluar përdorimi.
U bllokuan 60 kg fileto pule dhe 187 kg mish me destinacion asgjësimin e tyre.
Me kërkesë të vetë subjektit është asgjësuar një sasi produktesh ushqimore prej 1.133 ton të konstatuara të pasigurta për konsum human.
U morën 71 mostra kryesisht në monitorim qumështi dhe në fruta perime për mbetje pesticide.
AKU vijon të jetë pandërprerë në terren në garantim të sigurisë ushqimore dhe mbrojtjes së shëndetit të konsumatorëve.
