Trupat inspektuese të Autoritetit Kombëtar të Ushqimit kanë vijuar edhe gjatë ditës së sotme inspektimet në garantim të sigurisë ushqimore, si edhe monitorime në kuadër të Taks-Forcës në përputhje të akteve normative kundër përhapjes së Covid-19
Gjatë inspektimeve dhe monitorimeve janë dhënë këshillime dhe orientime në disa operatorë të biznesit ushqimor në përmbushje të kërkesave ligjore të sigurisë ushqimore.
Gjatë monitorimeve është vërejtur së zbatohen në mënyrë rigoroze protokollet e sigurisë kundër përhapjes së Covid-19.
Janë marrë 31 mostra në të gjithë vendin, si dhe janë asgjësuar 10 ton produkte ushqimore me kërkesë të vetë subjektit.
AKU do të vijojë punën në terren në garantim të sigurisë ushqimore dhe shëndetit të konsumatorëve.
